زوار المدونة ، انتم ايها الفضوليون .. سأخبركم بخبر عظيم ..
اليوم دخلت المطبخ وقررت ان اقوم بالطبخ ، وان انجز شيئا يذكر في التاريخ .. ولأول مرة منذ 18 عاما و 8 اشهر و 23 يوما دخلت المطبخ وطبخت " خلية النحل " وتفائلت بالخير ..
ولكن ..
كالعادة ، هذه الكلمة التي ترافقني طوال حياتي ..
" الزيت زاد شوي " على حسب ما قالت والدتي .. ولم يؤكل من الصحن الا القليل .. لربما لم يكتب له النجاح .. ولكن على الاقل ، اعتبره انجازا ، يستحق ان يذكر في كتب التاريخ ..
مقادير وصور الطبخ سأرفقها لكم لاحقا ..
صياما مقبولا وافطارا شهيا
تحياتي :
23/08/2009
أول شيء مبارك عليك الشهر يا بنتي ، ثاني شي كح كح كح تعلمي الطبخ ونوب يرزقك الله بزوج ما اظنه بيأخذ فوقك مشاركه اذا عرفتي تطبخين له ، انا مرات اقول حال حفيداتي هذا الكلام ، واللي ما تسمع الكلام اضربها بالباكور ، ومرات اقولهن ما اوكل شي اذا الشغاله هي اللي طابخه ، كح كح كح لا تزعلي مني يا بنتي انا حسبت جدك عمري الحين 79 سنة ، وطول هذه السنين نتعلم من الحياة ، وزين فرصة زينة في شهر رمضان تتعلمين الطبخ ، اذا اليوم الطبخه ما زينه باكر تطلع زينه ، وسمعي كلام والدتك الله يرضى عليك ، ولا تستسلمي ابدا ، مثل قصة النملة اللي ما اريد اخبرك بها كح كح كح ... اليوم غضبان على سالوم ولد ولدي كح كح كح ما شفته اليوم يصلي التراويح في المسجد ولحد الحين ما حضر ، اكيد دواره في كارفور ، بس خليه يجي الباكور جاهز .. كح كح كح ، يالله بنتي اتمنى لك التوفيق كح كح كح
ردحذفمبارك علينا وعليك .. سلامات حبابي ، شكلها اتفلونزا الصراصير مرة واصلة حدها عندك ..
ردحذفان شاء الله دعواتك لنا بالزوج الصالح ، وحن اكيد بنتعلم الطبخ ، بس احيدهم شباب اليوم ياكلوا من المطاعم ماعندهم سوالف فلانة طبخيلي وطبخيلي .. والحمدلله طبعا لاني بيني وبينك اكره المطبخ الا من يدق فراسي يومها اطبخ اخرف من عندي ..
العمر كله حبابي ،، بس تعال بايا اعرف عن النملة كل يوم تخبرني عنها ماعرفت قصتها ..
اقولك حبابي اجيبلك الباكور لو تباه ،، اهم شي لا تخله كاه مو دواره كارفور وحن في رمضان؟!! صدقني حبابي مازين ..
وربي يوفقنا جميعا ان شاء الله