مساكم الله بالخيـر / لو تقرون البوست بالمسا ، وصبحكم بالنور / لو تقرونه بالنهار ..
رجعـت ، وبلغة السبيستون : " عدنــا " .. وإن شاء الله هالمرة ما ننقطع طويل عنكم ، ونطل ع المدونة بين فترة وفترة بجديد ..
اكيد حياتي ماتوقفت فترة غيابي / انقطاعي عن التدوين ، وهي مستمرة ويمكن صابها شي من الخمول .. لكن لا زالت حياة مستمرة ومثيرة بين فينة واخرى ..
( ادري خلطت بين الفصحى والعامية .. بس زين نستذكر مع بعض كلمات تفيدنا مستقبلا ) ..
ما ادري اذا خبرتكم بخبـر : تخرجي .. صحيح ما استلمت الشهادة بعد ، بس الافادة معي ورسميا انا خريجة جامعة السلطان قابوس ، بالتحديد كلية الآداب والعلوم الاجتماعية ، بكالوريوس الإعلام .. وبهذا أنا رسميـا " باحثـة عن عمل " ..
( لو معكم شواغـر بشركتكم مثلا .. وراتب مغري ، ومنصب رفيـع .. انا هُنــا ) > لأصحاب المؤسسات والشركـات فقط .. فقط .. فقط
اخذت راحة شهريـن / رمضان والشهر اللي قبله ، قلنا نرتاح شوي بعد التخرج والحين راح نبدأ رحلة البحث عن العمل ، دعواتكم لي بالتوفيق ..
بالفتـرة الماضية :صحيح انقطعت عن التدوين بس كنت متواصلة لمدة 24/7 على تويـتر وانستجرام ، وصار كل وقتي بهم ، وما انسى تواجدي بالفيسبوك ..
للي خاطره بتابعنـي بتلقاني : follow me- instagram/ follow me- twitter
تحياتـي لمتابعيني لو لا زال هناك متابعين للمدونــة .. واخليـكم مع صور من تصويــري ، للمزيد من الصور الكشخة تابعوني على فليكـر : http://www.flickr.com/photos/22167723@N04/
تعليقات
إرسال تعليق